Heimelaga mat

Alt vi serverer er laga frå botnen av, for slik synest vi det skal vere.

Vi legg stor vekt på kvalitet framfor kvantitet, og å begrense matsvinn er viktig.

Dei heimelaga lunsj- og middagsrettane er hovudsakleg basert på Zulu cuisine, er komponert med reine råvarer, ferske grønnsaker og urter, kombinert med afrikansk krydder. Dei tar utgangspunkt i den matkulturen Muzi har vakse opp med heime. Dette lagar eit heilt unikt norsk-afrikansk preg over menyen.

Av kaker og dessertar er det meste basert frå oppskrifter frå familie og vener. Det faste innslaget er den populære gulrotkaka, som er frå svigermors kokebok. I sesong brukar vi sjølvsagt lokale gulrøtter.

I tillegg har vi fruens friske ostekake, Khaya cookies, tante Majas mokkafromasj og lokalprodusert jordbæris.

Få Nyhetsbrev